Kjo aromë frute me lule ka një përzierje të jaseminit, luleve të portokallit, drurit të sandalit, myshkut të bardhë dhe tuberozës. Rekomandohet për përdorim të rastësishëm. Ka një aromë të qëndrueshme.
Parfum: Njihet gjithashtu si “Extrait de Parfum” (që i referohet Parfumit të vërtetë), ky lloj përmban në vete koncentrim më të madh të ekstraktit (rreth 15% deri në 40% aromë) dhe që zgjat prej 6 deri në 8 orë. Në përgjithësi, për shkak të koncentrimit më të madh të aromës, ato kanë edhe çmimin më të lartë se sa llojet e parfumave të tjerë.
Eau de Parfum (EDP): Ky lloj është i dyti për nga koncentrimi i ekstraktit (rreth 15% deri në 20%) dhe që zgjat prej 4 deri në 5 orë. Në përgjithësi janë më të lirë se sa “Parfumat” dhe për shkak të përmbajtjes më të madhe të alkoolit është shumë i përshtatshëm për përdorim të përditshëm.
Eau de Toilette (EDT): Është një ndër llojet më të kërkuara. Ky lloj ka koncentrim të ekstraktit prej 5% deri në 15% dhe zgjat 2-3 orë. Konsiderohen si më të lehtë/butë, për këtë arsye përdoren më shumë ditën krahasuar me “Parfumat” që përdoren më shumë natën.
Eau de Cologne (EDC): Në përgjithësi ka koncentrim të ekstraktit më të ulët (rreth 2% deri në 4%). Është më i lirë dhe aroma zgjat deri në 2 orë. Zakonisht vijnë në shishe më të mëdha për shkak që përdoret më shpesh. Aromat e zakonshme për kolonja zakonisht janë me fruta, me lule, me agrume ose drunjore.
Eau Fraiche: Ky lloj ka koncetrimin më të ulët të ekstraktit (rreth 1% deri në 3%). Aroma është e ngjashme me atë të Eau de Cologne dhe zgjat deri në 2 orë. Ky lloj ka koncentrim të aromës dhe alkoolit të ulët dhe është i holluar me ujë. Edhe pse aroma nuk zgjat shumë në lëkurë, është shumë i kërkuar për shkak të çmimit të konvenueshëm.